Дарханы дулааны цахилгаан станцын хамт олон тоглоомын талбай байгуулаа

Дархан-Уул аймгийн “Дархан Дулааны Цахилгаан станц” компанийн Дулааны Хянах хэмжүүр автоматикийн цехийн хамт олон 50 жилийн ойгоо угтаж, гэр хороололд шинэ тоглоомын талбай байгуулжээ.

Тус цехийн 21 ажилтан 1.5 сая төгрөгөөр ахмадууд суух сандал, хүүхдүүдэд зориулсан гулгуур, савлуур гээд олон төрлийн тоглоомтой талбайг Дархан-Уул аймгийн Дархан сумын долоо дугаар багийн нутаг дэвсгэрт байгуулсан байна.