Дархлаажуулалтад хамрагдалт буурчээ

Олон нийтийн цахим сүлжээ, хүмүүсийн ам дамжсан ярианаас үүдэж эцэг, эхчүүд товлолт дархлаажуулалтад эргэлзэж, хүүхдээ хамруулахаас татгалздаг байна. Энэ тухай НҮБ-ын Хүүхдийн сан, Шинэ нийгмийн эрүүл мэнд төрийн бус байгууллагаас хамтран хийсэн судалгааны дүнд мэдээлжээ.

Тодруулбал, улсын хэмжээнд дархлаажуулалтад хамрагдалт 91 хувьтай байгаа ч Баян-Өлгий аймагт 73 хувь болтлоо буурч, нийт хүмүүсийн 27 орчим хувь нь вакцины үр нөлөөнд эргэлздэг гэж хариулсан байна. Энэ талаар Шинэ нийгмийн эрүүл мэнд төрийн бус байгууллагын тэргүүн судлаач н.Дуламсүрэнгээс тодрууллаа.