"Дарцагт гарц" байгуулжээ

Өмнөговь аймгийн ЗДТГ, Цагдаагийн газар, НҮБ-ын Хүн амын сан хамтран "Говийн-Оюу" хөгжлийг дэмжих сангийн санхүүжилтээр "Дарцагт гарц"-ыг нийт сургууль, цэцэрлэгийн орчмын замын гарцуудад байршууллаа.

Сурагчид хичээлдээ ирэх, очих замын хөдөлгөөнд оролцохдоо энэхүү дарцагт гарцыг ашиглан зам гатлах юм.

Замын хөдөлгөөнд оролцож буй жолооч гарцаар гарч буй дарцаг барьсан хүүхдэд зам тавьж өгөх үүрэгтэй. Мөн сургуулийн орчмын замын хөдөлгөөнд оролцохдоо хурдаа замын хөдөлгөөний дүрмийн дагуу 20 км/ц-аас хэтрүүлэхгүй байхыг Өмнөговь аймаг дахь Цагдаагийн газраас анхааруулж байна.

Эх сурвалж: Өмнөговь аймгийн ЗДТГ