Дэлгэрхангай сумын эрүүл мэндийн төвд авто машин олгохоор болжээ

Дундговь аймгийн Дэрэн, Дэлгэрхангай, Баянжаргалан, Говь-Угтаал, Хулд, Өлзийт сумын Эрүүл мэндийн төвүүдийн түргэн тусламжийн авто машинд парк шинэчлэлт хийх зайлшгүй шаардлагатай байгаа юм.

Аймгийн Эрүүл мэндийн газрын дарга Ц.Энхсайхан дахин хүсэлт тавьсаны дагуу улсын онцгой комиссын шугамаар Дэлгэрхангай сумын ЭМТ-ийн түргэн тусламжийн авто машинд парк шинэчлэлт хийгдэхээр болжээ.

Эрүүл мэндийн яамнаас Эрүүл мэндийн тусламж, үйлчилгээний бэлэн байдлыг хангах, хариу арга хэмжээг шуурхай зохион байгуулах, өвөлжилтийн бэлэн байдлыг хангах талаар үүрэг даалгавар өгсөн байна.