Дэлхий нийтээр сүрьеэтэй тэмцэх өдөр тохиож байна

Жил бүрийн гуравдугаар сарын 24-нд "Дэлхий нийтээр сүрьеэтэй тэмцэх өдөр" тохиодог билээ.

Тэгвэл энэ жил “Сүрьеэг илрүүлье, эмчлэе, эдгэрүүлье” уриан дор тэмдэглэж байна. Манай улсад жил бүр 4000 гаруй сүрьеэгийн шинэ тохиолдол бүртгэгддэг гэсэн тоон мэдээлэл байгаа аж.

Номхон далайн баруун бүсийн 37 орноос сүрьеэгийн өвчлөл өндөртэй долоон улсын нэгд манайх оржээ. Сүрьеэ нь хүн амын нас баралтын шалтгааны зургаадугаарт, халдварт өвчний шалтгаантай нас баралтын нэгдүгээрт орж байна.