Дэлхий нийтээрээ олон улсын 21 мянган стандартыг дагаж мөрддөг

Манай улс 6000 гаруй стандартыг хэрэгжүүлдэг. Үүний 32 хувь нь олон улсын стандартад нийцдэг байна. Тиймээс цаашид зайлшгүй шинэчлэх шаардлагатай байгаль орчны удирдлагын тогтолцоо, хөдөлмөрийн аюулгүй байдал, авлигын эсрэг зэрэг стандартуудыг олон улсын стандартад нийцүүлэх хэрэгтэй байна. Энэ хүрээнд Их-Британи мэргэжилтнүүдийг эх орондоо урьж, олон улсын ISO 9001 стандартын техникийн хорооны ээлжит хуралдааныг Монгол Улсад зохион байгуулах боломжийг судалж байна. Энэ талаар Британийн стандартын байгууллагын Монгол дахь албан ёсны төлөөлөгч Н.Билгүүн ингэж ярилаа.