“Дэлхийн философийн өдөр” тохиож байна

ЮНЕСКО–гийн санаачилгаар жил бүрийн арваннэгдүгээр сарын гурав дахь долоо хоногийн пүрэв гарагт “Дэлхийн философийн өдөр”-ийг тэмдэглэдэг уламжлалтай. Энэ жил философичид уг өдрийг 11 дэх жилдээ тэмдэглэж байна.

Уг өдрийн хүрээнд ШУА-ийн “Философи Социологи Эрхийн Хүрээлэн”, ЮНЕСКО-гийн Монголын Үндэсний Комисс хамтран их, дээд сургуулийн философийн магистрант, докторант нарын дунд “Философи Өнөөдөр” сэдэвт нийтлэлийн уралдаан зарласан бөгөөд шагнал гардуулах ёслол өнөөдөр 15.00 цагт ШУА-ийн хүрээлэнгүүдийн нэгдсэн II байранд болох аж.