Дэлхийн цаг агаар дулаарч байна

АНУ-ын Үндэсний цаг агаар судлалын хүрээлэнгээс 2013 оны арваннэгдүгээр сарыг дэлхийн цаг агаарын ажиглалтын түүхэнд хамгийн дулаахан цаг агаартай байсан гэж мэдэгдлээ.

Далай тэнгисийн гадаргуугийн дундаж хэмийг судалсны дүнд дээрх дүгнэлтийг гаргасан аж.

Үндэсний цаг агаар судлалын хүрээлэнгийн ажилтнуудын тооцоолсноор далайн гадаргуу дээр өнгөрсөн арваннэгдүгээр сард цельсийн 13,68 хэм байжээ.

Ер нь цаг агаарын ажиглалтыг харахад арваннэгдүгээр сард далайн гадаргуу дээрх дундаж хэм 37 жил дараалан өссөн нь дэлхийн цаг агаар дулаарч байгааг харуулжээ.