Дэнжийн мянгын замыг ирэх долоо хоногт нээнэ

Дэнжийн мянгын зам буюу 39 дүгээр сургуулийн зүүн урд уулзвараас "Хүчит шонхор" зах-эцсийн буудал хүртэлх 1.6 км авто замын өргөтгөл, шинэчлэлтийн ажлын хүрээнд "Баткубик" ХХК тус замыг гурав хуваан хааж ажлаа эхэлсэн.

Төлөвлөгөөний дагуу гурав дахь хэсэг буюу Нарантуул-2 захаас Зам гүүрийн бааз хүртэлх 450 метр замыг энэ сарын 4-ний орой 22:00 цагаас эхлэн 10 хоногийн хугацаатай хаахаар болсон юм. Харин 10 сарын 14-ний орой буюу ирэх долоо хоногт энэхүү замын зорчих хэсгийг бүрэн нээнэ.