Долоодугаар сарын 1-ний үйл явдалд улс төрийн албан тушаалтнууд хариуцлага хүлээх ёстой гэв

Долоодугаар сарын 1-ний үйл явдалд улс төрийн албан тушаалтнууд хариуцлага хүлээх ёстой гэж Иргэний нийгмийн байгууллагууд үзэж байна.

Одоогоос долоон жилийн өмнөх энэ өдөр УИХ-ын сонгуулийн үр дүнг эсэргүүцсэн иргэд жагсаж, улмаар дөрвөн залуу амь насаа алдсан эмгэнэлт явдал болсон. Гэтэл энэ үйл явдлын өмнөөс ямар ч улс төрийн албан тушаалтан хариуцлага хүлээгээгүй. Иймээс долоодугаар сарын 1-ний үйл явдалтай холбоотой хэд хэдэн шаардлагыг эрх баригчдад хүргүүлнэ гэж Нэгдсэн монгол төрийн бус байгууллагын тэргүүн н.Мөнхбаяр хэллээ.

Долоодугаар сарын 1-ний үймээний үеэр 4 залуу амь насаа алдаж, 800 гаруй залуусыг баривчилж, 530 орчим цагдаа бэртэж гэмтсэн гэсэн судалгаа байдаг.