Дорнод аймагт малын хулгай буурчээ

Дорнод аймгийн Цагдаагийн газар аймгийнхаа төр засгийн байгууллагуудтай хамтран сумдын гэмт хэрэгтэй тэмцэх зөвлөлийн ажлыг эрчимжүүлснээр энэ жил малын хулгайн гэмт хэргийг 26.2 хувиар бууруулжээ.

Мөн сар бүр нэгдсэн хяналт шалгалт явуулж, олон нийтийн цагдаа болон хөдөлгөөнт эргүүл гаргаж байгаа юм. Энэ ажил малын хулгайг бууруулахад нөлөөлсөн гэж тус аймгийн Цагдаагийн газрын малын хулгайн гэмт хэрэгтэй тэмцэх тасгийн дарга, Цагдаагийн дэд хурандаа Цолмонбаяр ярилаа.