Дорнод аймгийн Халхгол суманд гарсан хээрийн түймрийг бүрэн унтраалаа

Дорнод аймгийн Халхгол сумын Ялалт багийн "Адаг дулаан" гэдэг газар өчигдөр буюу 21-нд гарсан хээрийн түймрийг өнөөдөр /05:40 /цагт бүрэн унтраалаа. Түймэрт урьдчилсан байдлаар 12500 га талбай өртсөн байна.

Мөн Сэлэнгэ аймгийн Цагааннуур сумын Тийрэг багийн “Тосонгийн-Ам” гэдэг газар гарсан ой, хээрийн түймрийг өнөөдөр 08:00 цагт цурманд оруулж, бүрэн унтраахаар ажиллаж байна.

Түүнчлэн Сэлэнгэ аймгийн Мандал, Төв аймгийн Эрдэнэ суманд энэ сарын 19-нд гарсан ойн түймрийг унтраах ажиллагааг зохион байгуулж байгаа юм. Ойрын өдрүүдэд ихэнх нутгаар хэт халалт үргэлжлэх тул ой, хээрийн түймэр гарах эрсдэлээс сэргийлж, сэрэмжтэй байхыг Онцгой байдлын газраас анхааруулж байна.