Дорнод аймгийн Халхгол суманд гарсан хээрийн түймрийг унтраахаар ажиллаж байна

Өнөөдөр 16:00 цагийн байдлаар Дорнод аймгийн Халхгол сумын Ташгай III багийн “Арц холбоо уул" гэдэг газар 12:48 цагт гарсан хээрийн түймрийг унтраахаар ажиллаж байна.

Түймрийн унтраах ажиллагаанд “Петро чайна дайчин тамсаг 21 дүгээр талбай”-д хөдөлгөөнт бүлгийн үүрэг гүйцэтгэж байсан Онцгой байдлын байгууллагын алба хаагчид, тус аймгийн Онцгой байдлын газрын алба хаагчид, сумын Мэргэжлийн ангийнхан оролцож байна гэж ОБЕГ-аас мэдээллээ.