Дорнод аймгийн хэмжээнд өнөөдрийн байдлаар 31 855 га талбайд тариалалт хийгджээ

Газар тариалангийн салбар аймгийн хэмжээнд 20 530 га-д үр тариа, үүнээс 16480 га-д улаан буудай, 157,8 га-д төмс, хүнсний ногоо 100,8 га-д, малын тэжээл 5266 га-д, тосны ургамал 5800 га-д, бусад үр тариа 4050 га-д нийтдээ 31 855 га-д тариалалт хийсэн байна. 6 дугаар сарын 20-ны байдлаар үр тарианы тариалалтын ажлын явц 100 хувь, төмс 87,6 хувь, хүнсний ногоо 59,3 хувьтай явж байгаа бөгөөд тариалалтын төлөвлөгөөг 2018 оныхтой харьцуулахад хүнсний ногоо 32 га талбайгаар нэмэгджээ. Хаврын тариалалтад 14 сумын 20 гаруй аж ахуйн нэгж, төмс, хүнсний ногоо, жимс жимсгэний тариалалтыг 25 аж ахуйн нэгж, хоршоо, 9 агро парк, 737 өрхийн тариаланчид ажиллаж байна.

Тариалан эрхлэлтийг дэмжих сангаас 4 аж ахуйн нэгжид 466 тонн үрийн буудайг 30 хувь, 6 аж ахуйн нэгжид 96,2 тн шатахууныг 50 хувийн урьдчилгаатай зээлээр олгож хаврын тариалалтыг гүйцэтгэж байгаа юм.

Эх сурвалж: Дорнод аймгийн Засаг даргын Тамгын газар