Дорнод, Архангай аймагт гарсан ой, хээрийн түймрийг бүрэн унтраалаа

Архангай аймгийн Цэнхэр суманд энэ сарын 9-нд гарсан ойн түймэр, Дорнод аймгийн Халхгол суманд 10-нд бүртгэгдсэн хээрийн түймрийг тус тус унтраалаа.

Дээрх түймэрт урьдчилсан байдлаар 915 га талбай өртөж шатсан байна.

Ойрын өдрүүдэд ихэнх нутгаар салхи шуургатай, хуурайшилтын зэрэг нэмэгдэж байгаа тул ой, хээрийн түймрээс урьдчилан сэргийлж, галын аюулгүй байдлыг сайтар хангахыг онцгойлон анхааруулж байна.