Дорноговь аймгийн төв дэх 48,67 га талбайн хур хогийг цэвэрлэнэ
аж ахуй нэгж, байгууллага, иргэдийг хогоо зориулалтын газар нь асгахыг уриалжээ.
Мэдээллийн алба
Дорноговь аймгийн төв дэх олон жил хуримтлагдсан хур хогийг цэвэрлэх, төвлөрсөн шинэ хогийн цэг бий болгох, хашаажуулах, зогоон татах ажлыг эхлүүлэхийг холбогдох албаныханд тус аймгийн Засаг даргын үүрэг гүйцэтгэгч Г.Эрдэнэцэцэг үүрэг болгожээ.
Түүнчлэн хур хог, хаягдлыг цэвэрлэх замаар талбайг чөлөөлөх, иргэдийн эрүүл, аюулгүй орчинд амьдрах нөхцөлийг сайжруулахаар 6 цэгийн 48,67 га талбайн хогийг цэвэрлэх, гурван цэгийн 20,75 га талбайг хашаажуулах, гурван байршилд хяналтын камерыг суурилуулах, хоёр цэгийн 2650 метр газар хамгаалалтын зурвас байгуулах зэрэг ажлыг үе шаттайгаар эхлүүлсэн байна
Түүнчлэн “Тохижилт-Сайншанд” хот тохижилтын газрын машин техник, хүн хүчийг дайчлан хур хог, хаягдлыг цэвэрлэж эхэлсэн бөгөөд аж ахуй нэгж, байгууллага, иргэдийг хогоо зориулалтын газар нь асгахыг уриалжээ.
