Дотоод хяналтын журам мөрдөж ажилладаггүй зөрчилд арга хэмжээ тооцлоо

Нийслэлийн Мэргэжлийн хяналтын газрын даргын баталсан 02-01/66 тоот “Хүнсний худалдааны газруудад төлөвлөгөөт хяналт шалгалт хийх тухай” удирдамжаар Чингэлтэй, Баянгол дүүргүүдэд байрлах Моннидер ХХК-ийн Оргил сүлжээ дэлгүүрүүдийн худалдаалалтын үйл ажиллагаанд хяналт шалгалт хийлээ.

Шалгалтаар худалдааны газрын болон агуулахын стандарт шаардлагыг бүрэн хангаагүй, хаяг шошгын зөрчилтэй, дотоод хяналтын журамтай боловч бүрэн мөрдөж ажилладаггүй, худалдагч нар нь эрүүл мэндийн үзлэг шинжилгээнд хамрагдаагүй зэрэг зөрчил илэрч Зөрчлийн тухай хуулийн холбогдох заалтын дагуу арга хэмжээ авч ажиллаж байна.

Хяналт шалгалт үргэлжилж байна.

Эх сурвалж: НМХГ