Дунд сургуулийн багшид хорих ял оноолоо

АНУ-ын Монтана мужийн “Биллинг” дунд сургуулийн багш асан 49 настай Дин Рэмболд 2008 онд сургуулийнхаа 14 настай охиныг хүчирхийлсэн хэрэг гарсан. Харин энэ сарын 27-нд мужийн шүүхээс түүнд нэг сар хорих ял оноожээ.

Охин сэтгэл санааны цочролд орсноосоо болж 2011 онд амиа хорлосон бөгөөд шүүх хурал нь хэд хэдэн удаа хойшлогдоод байсан юм. Тэрбээр үеийнхээ хүүхдүүдээс том биетэй харагддаг байсан нь багшийн нүдэнд өртөх шалтгаан болсон хэмээн таамаглаж байна. Охины ээж ярихдаа “ Охин минь сэргэлэн цовоо, сургуульдаа нэр хүндтэй сайн сурагч байсан” хэмээн ярьжээ. Түүнчлэн “Шударга бус шүүсэн шүүхийнхнээс айсан” тухайгаа CNN-ийн ярилцлагын үеэр ярьсан байна.

Шүүхээс багш залууд ердөө нэг сарын ял оноосонд эсэргүүцэн Эмэгтэйчүүдийн төлөөх үндэсний байгууллага жагсаал зохион байгуулж эхэлжээ.