Дундговь аймаг ирэх оны төсвөө батлав

Дундговь аймгийн ИТХ-ын ээлжит хуралдаанаар ирэх оны төсвөө баталлаа. Энэ тухай онцлож байгаагийн учир нь тус аймгийн ИТХ бүрэн эрхээ хэрэгжүүлж эхэлснээс хойш олон удаагийн хуралдаан нь амжилтгүй болсон юм. ИТХ дахь хүчний харьцаа бараг тэнцүү бүрдсэнээс улс төрийн хоёр том хүчний төлөөлөл харилцан зөвшилцөж, ойлголцохгүй хуралдааныг ээлжлэн орхиж, хурал хойшилж байсан билээ. Харин энэ удаа ИТХ бараг бүрэн бүрэлдэхүүнээрээ хуралдав. Энэ талаар тус аймгийн ИТХ-ын дарга С.Буджаваас тодрууллаа.