Дөрөвдүгээр төрөх эмнэлгийн барилгын ажлыг Нийслэлд шилжүүлнэ

Хан-Уул дүүрэгт барьж орхисон дөрөвдүгээр төрөх эмнэлгийн барилгын ажлыг Нийслэлд шилжүүлбэл ашиглалтад орох боломжтой гэж үзлээ.

Хоёр жилийн өмнөөс 300 ортой энэ төрөх эмнэлгийн барилгын ажлыг эхлүүлж байсан. Өнгөрсөн онд ашиглалтад орно гэж байсан ч, дулааны шугам шийдэгдээгүй, төсөв мөнгө хүрэлцэхгүй зэрэг шалтгаанаар царцаасан барилгын тоонд орсон юм. Одоогоор барилгын гүйцэтгэл 70 орчим хувьтай гэдгийг Эрүүл мэндийн яамнаас мэдэгдэж байлаа.

Харин Нийслэлийн Эрүүл мэндийн газраас тус эмнэлгийг ашиглалтад оруулах боломж бий гэж үзэж байна. Энэ талаар Нийслэлийн Эрүүл мэндийн газрын дарга Ш.Энхбат ярилаа.