Дөрвөн суманд өвөлжилт хүндрэх төлөвтэй болжээ

Сүхбаатар аймгийн нутгаар 12 дугаар сарын байдлаар арав орчим удаагийн цас орж, одоогоор нийт нутгаар 4-15 см-ийн зузаан цастай байна. Тодруулбал, таван суманд цагаанаар зудархуу, дөрвөн суманд өвөлжилт хүндрэх төлөвтэй бусад суманд хэвийн байна гэж аймгийн ХХААГ-аас мэдээллээ.

Эрдэнэцагаан, Дарьганга, Сүхбаатар, Халзан суманд өвөлжилт хүндрэх төлөвтэй болсон байна. Харин Баруун-Урт, Асгат, Мөнххаан, Түмэнцогт, Уулбаян сум цагаан зудархуу, бусад суманд өвөлжит хэвийн байгаа аж.

Аймгийн УЦУОШГ-аас ирүүлсэн мэдээгээр нэгдүгээр сарын наймнаас хүйтний эрч чангарч, ихэнх нутгаар олон жилийн дунджийн орчим цас орох төлөвтэй байгаа гэв.