Дуучин Ө.Цэрэнчунтын санаачилсан “Сонгодог-21” төсөл үргэлжилж байна
Энэ удаад “Сонгодог-21” төслийн хүрээнд нэрт хөгжмийн зохиолч Ц.Чинзориг, Х.Билэгжаргал, З.Хангал, Н.Жанцанноров нарын “Намрын дурсамж”, “Дуулж л явахаас даа”, “Аяны шувууд”, “Хайрлан дуулмаар байна” дууг сонгон Г.Энхнарантай хамтран дуулжээ.
Мэдээллийн алба
Монголын мэргэжлийн хөгжмийн зохиолч, яруу найрагчдын дуурийн ари, романс болон дууны бүтээлүүдийг сэргээн дэлгэрүүлэх, хойч үед залгамжлан өвлүүлэх зорилгоор дуучин Ө.Цэрэнчунтын санаачилгаар УДБЭТ-ын хэрэгжүүлж буй “Сонгодог-21” төсөл ээлжит уран бүтээлээ үзэгчдэд хүргэж байна.
Энэ удаад “Сонгодог-21” төслийн хүрээнд нэрт хөгжмийн зохиолч Ц.Чинзориг, Х.Билэгжаргал, З.Хангал, Н.Жанцанноров нарын “Намрын дурсамж”, “Дуулж л явахаас даа”, “Аяны шувууд”, “Хайрлан дуулмаар байна” дууг сонгон Г.Энхнарантай хамтран дуулжээ.
Дээрх дөрвөн дууны хөгжмийн найруулгыг “Нисванис” хамтлагийн гитарчин Б.Цацрал, тайзны найруулгыг дуучин Ө.Цэрэнчунт өөрөө гүйцэтгэж, видео клипийг “Mongolian social channel” студид бүтээсэн байна.
Хэдийгээр ХХ зуунд бүтээгдсэн боловч XXI зуунд мэргэжлийн хүрээнд болон нийтийн дунд хадгалан үлдээж, өвлөн залгамжлах учиртай үндэсний сонгодог бүтээлүүд болох ари романс, дууны бүтээлүүдийн нотыг ном болгон хэвлэхийн зэрэгцээ аудио цомог хэлбэрээр тайлбар бүхий танин мэдэхүйн цуврал зургаан нэвтрүүлгийг үзэгчдэд хүргэх ажлыг дээрх төслийн хүрээнд 2016 оноос хийж гүйцэтгээд буй юм байна.
