Эбола вируст халдвар нэмэгдсээр байна

2014 оны арванхоёрдугаар сарын 7-ны өдрийн байдлаар дэлхийн есөн улсад эбола вируст халдвараар 18008 хүн өвчилж, 6437 (35%) хүн нас барсан байна.

Арванхоёрдугаар сарын 3-ны өдрөөс хойш 797 шинэ тохиолдол, нас баралт 381 хүнээр тус тус нэмэгджээ. Одоогийн байдлаар нийт 639 эрүүл мэндийн ажилтан өвчилж, 54% (349) нь нас барсан нь өмнөх мэдээллээс хойш 17 хүнээр нэмэгдсэн байна.

Гвиней улсад өвчний дэгдэлт бага зэрэг нэмэгдэж, арванхоёрдугаар сарын 7-ны байдлаар 103 батлагдсан болон болзошгүй тохиолдол бүртгэгдсэн байна.

Харин Либерит өвчлөл буурч, арванхоёрдугаар сарын 3-ны өдрийн байдлаар 29 батлагдсан тохиолдол гарсан бол Сьерро-Леонд өвчний тархалт эрчимжиж, арванхоёрдугаар сарын 7-ны өдрийн байдлаар 397 батлагдсан тохиолдол нэмэгдэн бүртгэгджээ.

Эх сурвалж: ДЭМБ

Шуурхай удирдлагын төв