Эболатай төстэй вирус илэрчээ

Угандагийн нийслэл Кампала хотод Эболатай төстэй Марбург хэмээх вирус илэрчээ. Энэхүү вирусаар тус хотын эмнэлгийн техникч өвчилж нас барсан байна. Марбург вирусаар өвчилсөн хүнд Эболатай адил халуурах, бөөлжих, суулгах, цус алдах шинж тэмдэг илэрдэг ажээ. Мөн биеийн шингэнээр дамжин халдварлаж, өвчлөгдсийн 25-80 хувийг үхэлд хүргэх аюултай гэнэ. Марбург вирусаар өвчилсөн 80 хүнийг 21 хоногийн турш тусгаарлаж байгаа ажээ.