ЕБС-ийн сурагчдаас анги төгсөх болон улсын шалгалт авахгүй

Ерөнхий боловсролын сургуулийн сурагчдаас анги төгсөх болон улсын шалгалт авахгүй. Хичээл эхлэхэд агуулгын хоцрогдлыг арилгахад бүрэн анхаарна. Харин 12-р ангийн сурагчид Элсэлтийн ерөнхий шалгалтаа өгнө. Энэ шалгалтын тухайд өмнө нь заавал үзэх болон сонгон суралцах хичээлийн агуулгыг багтаасан нэлээн хүндэрсэн хэлбэрээр авдаг байсан бол энэ жил зөвхөн заавал үзэх агуулгаар Элсэлтийн ерөнхий шалгалтыг зохион байгуулна гэж Боловсрол, соёл, шинжлэх ухаан, спортын сайд Ё.Баатарбилэг хэллээ.