“Ээждээ, ханьдаа баярлалаа” тоглолт өнөөдөр болно

Дуучин, ая зохиогч Отгойн Баянмөнх өнөөдөр “Ээждээ, ханьдаа баярлалаа” нэртэй тоглолтоо “Аса” циркт зохион байгуулах гэж байна.

Түүний тоглолтод дуучин П.Жимсээ, Я.Гэрэлчулуун, Т.Амина, Д.Найдандорж, Х.Давхарбаяр нар ая дуугаа өргөх гэнэ.

О.Баянмөнх нь саяхан “Үргэлж Монголтойгоо” цомгоо “өлгийдсөн” билээ. Тэрхүү цомогтоо орсон дууныхаа аялгууг өөрөө зохиосон бол энэ удаагийн тоглолтод нь ч дуулагдах гэнэ.

Мөн энэ сарын 7-оос 26 хүртэл Хөвсгөл аймгийнхаа бүх сумын үзэгчдэд ая дуугаа өргөх аж.