Егүзэр хутагт энэ сард Монголд заларна

“Сэцэн хан аймгийн Егүзэр ачит зан бадарсан эрдэнэ хамба, ялгуусан чин зүтгэлт, үнэн сүжигт Галсандашийн уг эхийг байцааваас "Төвдийн орноо Лочин Азардачойям хэмээх дөрвөн хувилгаан гарчээ” хэмээн зарлигаар тогтоосон олон аймгийн тамга бүхий, үгүй хутагт хувилгаан нарын шастирт өгүүлжээ.

Энд Егүзэр хутагт Төвдийн орноо дөрвөн хувилсан хэмээсэн байна. Мөн энэ сарын 26-нд монгол орноо залрах юм.

Энэ талаар Эрдэнэцагаан сумын нутгийн зөвлөлийн дарга, “Зотол-Уул” группын ерөнхийлөгч Д.Энхбаяр, Гарма Гаржүд Үржин Пэрэнлайлин хийдийн тэргүүн хамба, МN2 телевизийн ерөнхий редактор Ж.Эрдэнэцогт, УИХ-ын гишүүн асан Р.Буд, Сүхбаатар аймгийн Бурхан шашинтны төв "Эрдэнэмандал" хийдийн тэргүүн хамба Д.Цамбанүрдэв нар мэдээлэл хийлээ.