"Эх хэлний өдөр" тохиож байна

Хэл бол хүмүүсийн хоорондын харилцааны хамгийн чухал хэрэгсэл гэдэг ойлголт бид бүгдийн хамгийн нийтлэг ойлголт билээ. Иймд жил болгоны энэ өдрийг 2000 оноос эхлэн ЮНЕСКО -гийн гишүүн орнуудад тэмдэглэн өнгөрүүлдэг болсноос хойш 14 дахь жилээ дэлхий даяараа өргөн дэлгэр тэмдэглэх гэж байна. Ингэж тэмдэглэх болсон гол зорилго нь дэлхийн хэл болон соёлын олон янз байдлыг хамгаалах юм. Энэ өдрийг тохиолдуулан дэлхий даяар хэл шинжлэлийн олон төрөл зүйл, олон хэлээр яригч байхын ач холбогдлыг таниулах чуулга уулзалт, урлагийн тоглолт, сургалт семинар зэрэг үйл ажиллагааг зохион байгуулдаг байна.