"Эх орон оюун санаа" наадам Сүхбаатар аймагт болно

Монгол Улсын Төрийн соёрхолт О.Дашбалбар агсны мэндэлсний 57 жилийн ойд зориулан төрөлх нутаг Сүхбаатар аймагт анх удаа “Эх орон оюун санаа” яруу найргийн наадмыг энэ сарын 19-20-нд зохион байгуулахаар болжээ.

Шүлэг хүлээн авах хугацаа өнөөдөр дуусч байгаа бөгөөд нэгдүгээр байрын эзэн нэг сая төгрөг өргөмжлөл гардах юм.

Дашрамд дурдахад, ерөнхий зохион байгуулагчаар түүний охин Д.Индра ажиллаж байгаа аж.