Эхнэрээ хөнөөсөн эр хэргээ хүлээжээ

Өнгөрөгч долоо хоногт Сонгинохайрхан дүүргийн 24 дүгээр хорооны нутаг дэвсгэр “Хөрс” худалдааны төвийн гадна талын машины зогсоол дээрээс "Тоёото приус" маркийн автомашины тээшинд бусдын гарт амиа алдсан эмэгтэй хүний цогцос олдсон талаар өмнө мэдээлж байсан. Уг хэрэгт Төв аймгийн Угтаалцайдам сумын харьяат 27 настай Г хэмээх залууг сэжиглэн саатуулаад байсан бөгөөд тэрбээр мөрдөн байцаалтын явцад эхнэрээ хөнөөгөөд машиныхаа тээшинд хийгээд зугтсанаа хүлээжээ.

Хэргийн талаарх мэдээллийг Нийслэлийн шуурхай удирдлагын төвд нэгэн иргэнээс өгсөн бөгөөд одоогоор хэргийг Сонгинохайрхан дүүргийн цагдаагийн гуравдугаар хэлтэст шалгаж байгаа аж.