Элчин сайд А.Баттөр Андоррын хамтарсан эрх баригч БНФУ-ын Ерөнхийлөгч Эммануэль Макронд Итгэмжлэх жуух бичгээ барив

Монгол Улсаас Андоррын Хаант Улсад суух Онц бөгөөд Бүрэн эрхт Элчин сайд А.Баттөр дөрөвдүгээр сарын 12-ны өдөр Андоррын хамтарсан эрх баригч Бүгд Найрамдах Франц Улсын Ерөнхийлөгч Эммануэль Макронд Итгэмжлэх жуух бичгээ барьж, Монгол Улсын Ерөнхийлөгч Х.Баттулгын мэндчилгээг уламжлав.

2019 оны 11 дүгээр сард Хамтарсан эрх баригч, Урхелийн Хамба Эрхэмсэг Гэгээнтэн Хуан-Энрик Вивес и Сисилиад Итгэмжлэх жуух бичгээ гардуулах үеэр Андоррын Гадаад хэргийн сайд Мария Убах Фонттой уулзаж, хоёр орны харилцаа хамтын ажиллагааны боломжуудын талаар дэлгэрэнгүй санал солилцсон юм.