Элчин сайд С.Энхбат итгэмжлэх жуух бичгээ барилаа

Монгол Улсаас Саудын Арабын Вант Улсад суух Онц бөгөөд Бүрэн эрхт Элчин сайд С.Энхбат Саудын Арабын Вант Улсын Цог Жавхлант Ван, Хоёр ариун сүмийн хамгаалагч Абдулла Бин Абдулазиз Аль Сауд-д 2014 оны наймдугаар сарын 29-ний өдөр Итгэмжлэх жуух бичгээ барив.

Элчин сайд С.Энхбат Монгол Улсын Ерөнхийлөгч Ц.Элбэгдоржийн мэндчилгээг Цог Жавхлант Ван, Хоёр ариун сүмийн хамгаалагч Абдулла Бин Абдулазиз Аль Сауд-д уламжлав.

Итгэмжлэх жуух бичиг барихад Саудын Арабын Хааны ордон, ГХЯ-ны холбогдох албаны хүмүүс байлцав.