Элчин сайдууд болон НҮБ-ын суурин зохицуулагчийг хүлээн авч уулзав

Гадаад харилцааны дэд сайд Б.Мөнхжин 10 дугаар сарын 29-ний өдөр ИБУИНХУ-аас Монгол Улсад суугаа Элчин сайд Филип Малон, БНФУ-аас Монгол Улсад суугаа Элчин сайд Филипп Мэрлин, БНИталиУ-аас Монгол Улсад суугаа Элчин сайд Лаура Ботта, НҮБ-ын Суурин зохицуулагч Тапан Мишра нарыг хүлээн авч уулзаж, тогтвортой хөгжил, ногоон хөгжлийн бодлого болон байгаль орчны асуудлаар санал солилцов.Уулзалтын үеэр Элчин сайд нар Уур амьсгалын өөрчлөлтийн тухай Парисын хэлэлцээр батлагдсаны 5 жилийн ойг тохиолдуулан энэ оны 12 дугаар сарын 12-ны өдөр зохион байгуулах Уур амьсгалын өөрчлөлттэй тэмцэх дээд хэмжээний цахим уулзалтын урилгыг гардуулсан байна.