Эмч, багш нар Баасан гарагт жагсана

Эмч, багш нар энэ сарын 8-ны 13-17 цагийн хооронд Чингис хааны төв талбайд жагсаал хийхээ мэдэгдлээ. Учир нь УИХ-ын чуулганаар 2014 оны төсвийн төсөлд цалин тэтгэвэр нэмэгдүүлэхээр 200 тэрбум төгрөг тусгасныг хэтэрхий бага гэж үзэж байгаа юм.

Түүнчлэн МҮЭХ-оос ирэх онд цалин тэтгэвэр нэмэгдүүлэх асуудлаар хөдөлмөр, нийгмийн гурван талт улсын хэлэлцээрийг өнгөрөгч сарын 23-наас хийж эхэлсэн боловч өнөөдрийг хүртэл тодорхой үр дүнд хүрээгүй байна.

Урьд нь улсын гурван талт хэлэцээрийг эхлүүлэх, хэлэлцээр үр дүнд хүрээгүй тохиолдолд хамтын тэмцлийн бүхий л хэлбэрээр тэмцэхээ мэдэгдээд байсан юм.