Эмч нарын цалинг олон улсын жишигт нийцүүлнэ

“Эрүүл мэндийн салбарын ажиллагсдын нийгмийн асуудал” улсын зөвлөгөөн боллоо. Зөвлөгөөнөөр эмч, эмнэлгийн ажилчдын цалинг хийснээр нь олгодог тогтолцоонд шилжих талаар голчлон хэлэлцлээ. Хүнд нөхцөлд цаг наргүй ажилладаг эмч нарын цалинг хийсэн ажил чанараар нь тогтоохгүй бол зах зээл дэх үнийн өсөлтийг гүйцэхгүй байна гэж үзжээ. Мөн хот хөдөөгийн эмч нарын цалингийн хэмжээ өөр байгаа нь орон нутагт ажиллах эмч нарт хүндрэлтэй байдаг тухай ч хэлэлцсэн юм.