Эмч-сэтгэлзүйч нарын сургалтыг цахимаар зохион байгуулж байна

Онцгой байдлын ерөнхий газраас төв, орон нутгийн Онцгой байдлын байгууллагын эмч-сэтгэлзүйч нарын сэтгэлзүйг дэмжих цахим сургалтыг зохион байгуулж байна.

Сургалтыг СЭМҮТ-ийн сэтгэл заслын эмч, анагаах ухааны доктор Б.Жаргал удирдан явуулж, стресс түгшүүрийн менежмент, бухимдал айдсаас ангижрах, эерэгээр сэтгэн бодох, амиа хорлох бодолтой, оролдлого хийсэн хүнтэй харилцах зэрэг сэдвээр мэдээлэл өгч байна.

Ингэснээр алба хаагчид стресс болон түгшүүрийн талаар мэдлэгтэй болж түүнийг арилгах ур чадварыг эзэмших юм гэж Онцгой байдлын ерөнхий газраас мэдээллээ.