ЭМЯ: Коронавируст халдварын 1040 тохиолдол шинээр бүртгэгдлээ

Сүүлийн 24 цагт коронавируст халдварын 1040 тохиолдол шинээр бүртгэгдэж, 2 хүн нас баржээ. Шинээр бүртгэгдсэн тохиолдлын 697 нь Улаанбаатар хотод, 298 нь орон нутагт, зөөвөрлөгдсөн 45 байна.

Одоогоор 3547 хүн эмнэлэгт хэвтэн эмчлүүлж байгаагаас хүүхэд 511, жирэмсэн эх 246 байна. Гэрийн хяналтад 8111 хүн байна гэж Эрүүл мэндийн яамнаас мэдээллээ.