ЭМЯ: Коронавируст халдварын 323 тохиолдол шинээр бүртгэгдлээ

Сүүлийн 24 цагт коронавируст халдварын 323 тохиолдол шинээр бүртгэгдсэнээс 169 нь Улаанбаатар хотод, 154 нь орон нутагт байна. Мөн нэг хүн архаг хууч өвчтэй ковид хавсарсан шалтгаанаар энджээ.

Одоогоор 2104 хүн эмнэлэгт хэвтэн эмчлүүлж байгаагаас хүүхэд 564, жирэмсэн эх 107 байна. Гэрийн хяналтад 6602 хүн байна гэж Эрүүл мэндийн яамнаас мэдээллээ.