Энэ долоо хоногийн цаг агаарын урьдчилсан мэдээ
Баруун аймгуудын нутгаар: 29-нд нутгийн баруун хэсгээр, 30-нд нутгийн хойд хэсгээр түр зуурын бороо, 31-нд ихэнх нутгаар, наймдугаар сарын 1, 2-нд зарим газраар бороо орно.
Мэдээллийн алба
2015 оны долоодугаар сарын 27-ноос наймдугаар сарын 03-ныг хүртэлх
7 хоногийн цаг агаарын урьдчилсан мэдээ
/Наймдугаар сарын эхээр нутгийн зүүн хагаст үргэлжилсэн хүйтэн бороо орох төлөвтэй байна./
Баруун аймгуудын нутгаар: 29-нд нутгийн баруун хэсгээр, 30-нд нутгийн хойд хэсгээр түр зуурын бороо, 31-нд ихэнх нутгаар, наймдугаар сарын 1, 2-нд зарим газраар бороо орно. Дуу цахилгаантай. Салхи баруун өмнөөс хойш эргэж 5-10м/с, борооны өмнө түр зуур ширүүснэ. Завхан, Баянхонгорын хойд хэсгээр шөнөдөө 6-11 хэм өдөртөө 20-25 хэм, Их нууруудын хотгор, Алтайн өвөр говиор шөнөдөө 17-22 хэм өдөртөө 33-38 хэм, бусад нутгаар шөнөдөө 13-18 хэм өдөртөө 23-28 хэм дулаан байна. 30-нд нутгийн хойд хэсгээр 31-нд ихэнх нутгаар бага зэрэг сэрүүснэ.
Төвийн аймгуудын нутгаар: 27-нд нутгийн хойд хэсгээр, 28, наймдугаар сарын 2-нд нутгийн зүүн хэсгээр, 30-нд нутгийн хойд хэсгээр, 31, наймдугаар сарын 1-нд ихэнх нутгаар бороо орно. Дуу цахилгаантай. Салхи зүүн өмнөөс баруун хойш эргэж 5-10 м/с, борооны өмнө түр зуур ширүүснэ. Ихэнх хугацаанд Орхон-Сэлэнгийн саваар шөнөдөө 13-18 хэм өдөртөө 26-31 хэм, бусад нутгаар шөнөдөө 12-17 хэм өдөртөө 23-28 хэм дулаан. Наймдугаар сарын 1-3-нд сэрүүсч Хөвсгөл, Хангайн уулархаг нутгаар шөнөдөө 2-7 хэм өдөртөө 12-17 хэм, бусад нутгаар шөнөдөө 9-14 хэм өдөртөө 17-22 хэм дулаан байна.
Зүүн аймгуудын нутгаар: 27-нд нутгийн хойд хэсгээр, 28-нд зарим газраар, 29-нд нутгийн зүүн хэсгээр, 30-нд нутгийн баруун хэсгээр, 31, наймдугаар сарын 1-нд ихэнх нутгаар, 2-3-нд зарим газраар бороо орно. Дуу цахилгаантай. Борооны өмнө салхи түр зуур ширүүснэ. Ихэнх хугацаанд шөнөдөө 12-17 хэм өдөртөө 24-29 хэм дулаан байна. Наймдугаар сарын 1-3-нд сэрүүсч Хэнтэйн уулархаг нутгаар шөнөдөө 5-10 хэм өдөртөө 13-18 хэм дулаан, бусад нутгаар шөнөдөө 10-15 хэм өдөртөө 20-25 хэм дулаан байна.
Говийн аймгуудын нутгаар: 27-нд нутгийн хойд хэсгээр түр зуурын бороо, 28, 29, наймдугаар сарын 2-нд нутгийн зүүн хэсгээр, 31, наймдугаар сарын 1-нд зарим газраар бороо орно. Дуу цахилгаантай. Салхи баруун хойноос 5-10м/с, 31, наймдугаар сарын 1-нд түр зуур секундэд 16 метр хүрч ширүүснэ. Дундговийн нутгаар шөнөдөө 12-17 хэм өдөртөө 24-29 хэм, бусад нутгаар шөнөдөө 15-20 хэм өдөртөө 29-34 хэм дулаан байна. Наймдугаар сарын 1-нд нутгийн хойд хэсгээр, 2-нд нутгийн зүүн хэсгээр бага зэрэг сэрүүснэ.
