Энэ долоо хоногийн цаг агаарын урьдчилсан мэдээ
Ихэнх нутгаар цас орж, зарим газраар салхи 14-16м/с, нутгийн өмнөд хэсгээр үе үе 20м/с хүрч цасан шуурга шуурна. Бусад хугацаанд Алтайн уулсаар салхи үе үе 14-16 м/с хүрч ширүүснэ.
Мэдээллийн алба
2016 оны хоёрдугаар сарын 29-нөөс гуравдугаар сарын 07-ныг хүртэлх
7 хоногийн цаг агаарын урьдчилсан мэдээ
-Хугацааны дунд үеэс цас орж, цасан шуурга шуурч, хүйтэрнэ -
Баруун аймгуудын нутгаар: 3-нд ихэнх нутгаар цас орж, зарим газраар салхи 14-16м/с, нутгийн өмнөд хэсгээр үе үе 20м/с хүрч цасан шуурга шуурна. Бусад хугацаанд Алтайн уулсаар салхи үе үе 14-16 м/с хүрч ширүүснэ. Ойрын 3 хоногтоо хүйтний эрч эрс сулхан байх ч 3-наас хүйтэрч Идэр, Тэс, Завхан голын эхээр шөнөдөө 31-36 хэм өдөртөө 17-22 хэм, Алтайн өвөр говиор шөнөдөө 13-18 хэм өдөртөө 4-9 радус, бусад нутгаар шөнөдөө 19-24 хэм өдөртөө 9-14 хэм хүйтэн байна.
Төвийн аймгуудын нутгаар: 3-нд ихэнх нутгаар, 4-нд нутгийн зүүн хэсгээр цас орж, салхи 14-16м/с хүрч цасан шуурга шуурна. 5-6-нд зарим газраар 9-14 м/с хүрч явган шуурга шуурна. Ойрын 4 хоногтоо хүйтний эрч эрс сулрах ч 4-нөөс хүйтэрч Дархадын хотгороор шөнөдөө 28-33 хэм өдөртөө 17-22 хэм, Орхон-Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө 23-28 хэм өдөртөө 13-18 хэм, бусад нутгаар шөнөдөө 17-22 хэм өдөртөө 8-13 хэм хүйтэн байна.
Зүүн аймгуудын нутгаар: 29-нд нутгийн хойд хэсгээр, 6-7-нд зарим газраар бага зэргийн цас орж, салхи 12-14 м/с хүрч явган шуурга шуурна. 4-нд ихэнх нутгаар, 5-нд нутгийн зүүн хэсгээр цас орж, салхи хойноос 18-20м/с хүрч ширүүсэн цасан шуурга шуурна. Ойрын 4 хоног ихэнх нутгаар хүйтний эрч эрс суларч шөнөдөө 13-18 хэм хүйтэн өдөртөө 3 хэм хүйтнээс 2 хэм дулаан байна. 4-нөөс бүх нутгаар хүйтэрч Хэрлэн, Онон, Улз голын хөндийгөөр шөнөдөө 22-27 хэм өдөртөө 11-16 хэм, бусад нутгаар шөнөдөө 17-22 хэм өдөртөө 8-13 хэм хүйтэн байна.
Говийн аймгуудын нутгаар: 4-нд зарим газраар цас, 6-нд нутгийн хойд хэсгээр бага зэргийн цас орно. Салхи 4-нд ихэнх нутгаар 18-20 м/с хүрч цасан шуурга шуурна. 1-3-нд Арц Богдын өвөр хоолойгоор, 5-6-нд зарим газраар 12-16 м/с хүрч ширүүснэ. Ойрын 4 хоногтоо ихэнх нутгаар шөнөдөө 7-12 хэм хүйтэн өдөртөө 7-12 хэм дулаан байна. 4-нөөс хүйтэрч нутгийн баруун хойд хэсгээр шөнөдөө 18-23 хэм өдөртөө 7-12 хэм, бусад нутгаар шөнөдөө 15-20 хэм өдөртөө 4-9 хэм хүйтэн байна
Ирж буй өдрүүдэд Улаанбаатар хотод цаг агаар ямар байх талаарх мэдээллийг ЭНДЭЭС үзнэ үү...
