Энэ долоо хоногт цаг агаар ямар байх вэ

Цаг уур, орчны шинжилгээний газраас гаргасан 2019 оны дөрөвдүгээр сарын 29-нөөс тавдугаар сарын 06-ыг хүртэлх 7 хоногийн цаг агаарын урьдчилсан төлөвийг та бүхэнд хүргэж байна.

- 2, 3-нд нутгийн хойд хэсгээр хур тунадас орж, зарим газраар салхи шуургатай байна -

Баруун аймгуудын нутгаар: Тавдугаар сарын 1-нд Алтайн салбар уулсаар, 2, 5-нд зарим газраар, 3, 4-нд нутгийн хойд хэсгээр хур тунадас орно. Салхи 1-нд Алтайн салбар уулсаар, 2, 4-нд зарим газраар 14-16 м/с хүртэл ширүүсч шороон шуурга шуурна. Агаарын температур Алтай, Хангайн уулархаг нутгаар шөнөдөө 4 хэм хүйтнээс 1 хэм дулаан, өдөртөө 11-16 хэм, Алтайн өвөр говиор шөнөдөө 6-11 хэм, өдөртөө 21-26 хэм, бусад нутгаар шөнөдөө 1-6 хэм, өдөртөө 16-21 хэм дулаан байна. 3-наас нутгийн хойд хэсгээр бага зэрэг сэрүүснэ.

Төвийн аймгуудын нутгаар: Тавдугаар сарын 2, 4-нд зарим газраар, 3-нд нутгийн хойд хэсгээр хур тунадас орно. Салхи 2, 3-нд зарим газраар 14-16 м/с хүртэл ширүүсч шороон шуурга шуурна. Бусад хугацаанд 5-10 м/с. Агаарын температур Дархадын хотгор, Хангай, Хөвсгөл, Хэнтийн уулархаг нутгаар шөнөдөө 0-5 хэм хүйтэн, өдөртөө 13-18 хэм, бусад нутгаар шөнөдөө 0-5 хэм, өдөртөө 18-23 хэм дулаан байна. 2-ноос сэрүүснэ.

Зүүн аймгуудын нутгаар: Тавдугаар сарын 3-нд нутгийн хойд хэсгээр, 4-нд зарим газраар хур тунадас орно. Салхи 2, 3-нд зарим газраар 14-16 м/с хүртэл ширүүсч шороон шуурга шуурна. Бусад хугацаанд 6-11 м/с. Агаарын температур Хэнтийн уулархаг нутгаар шөнөдөө 0-5 хэм хүйтэн, өдөртөө 13-18 хэм дулаан, бусад нутгаар шөндөө 0-5 хэм хүйтэн, өдөртөө 19-24 хэм дулаан байна. 4-нөөс сэрүүснэ.

Говийн аймгуудын нутгаар: Тавдугаар сарын 4-нд зарим газраар бага зэргийн бороо орно. Бусад хугацаанд бороо орохгүй. Салхи 3, 4-нд зарим газраар 14-16 м/с хүртэл ширүүсч шороон шуурга шуурна. Агаарын температур нутгийн өмнөд хэсгээр шөнөдөө 5-10 хэм, өдөртөө 21-26 хэм, нутгийн хойд хэсгээр шөнөдөө 0-5 хэм, өдөртөө 15-20 хэм дулаан байна. 4-нөөс нутгийн хойд хэсгээр бага зэрэг сэрүүснэ.