Энэ жилд нийслэлд 600 гаруй барилга баригдана

Нийслэлийн Мэргэжлийн хяналтын газраас мэдээлснээр нийслэлд энэ жил 600 гаруй барилга шинээр баригдах аж. Тиймээс ажилчдын аюулгүй байдал, барилгын чанарт онцгой анхаарч ажиллах гэнэ. Үүнтэй холбогдуулан “Барилгын материалын чанар, шинэ дэвшилтэт технологи, хөдөлмөрийн аюулгүй ажиллагаа” сэдэвт өдөрлөгийг өнөөдөр зохион байгууллаа. Ингэснээр барилгын салбарын бүх аж ахуйн нэгж, байгууллагын оролцоог ажлын байрны аюулгүй байдал, чанарын асуудалд төвлөрүүлэх зорилготойгоос гадна болзошгүй эрсдлээс урьдчилан сэргийлэх боломжтойг албаныхан онцлож байна.