Энэ онд гэр бүлийн хүчирхийллийн улмаас 360 гаруй хүн хохирчээ

Гэр бүлийн хүчирхийллийн улмаас 12 хүүхэд гэмтэж бэртсэн байна. Цагдаагийн байгууллагаас энэ төрлийн гэмт хэрэгт орсон хүүхдүүдийг хамгаалалтад авч тусламж үзүүлсэн аж. Дийлэнх тохиолдолд хүүхдүүд биедээ хүнд, хөнгөн бэртэл авчээ. Түүнчлэн хоёр хүүхэд бэлгийн хүчирхийлэлд өртсөн гэж Улаанбаатар хотын цагдаагийн газрын Хүүхдийг гэмт хэргээс урьдчилан сэргийлэх хэлтсийн мэргэжилтэн П.Болормаа хэллээ.

Энэ онд гэр бүлийн хүчирхийллийн улмаас 360 гаруй хүн хохирсон ба дээрх хэргүүдэд цагдаагийн байгууллагаас эрүүгийн хэрэг үүсгэн шалгажээ.