Энэ онд Рио Де Жанейро хотод цагдаагийн 132 ажилтан амь насаа алдсан байна

Энэ он гарснаас хойш Бразилын Рио Де Жанейро хотноо амь насаа алдсан цагдаагийн 132 ажилтны ар гэрийнхэн болон найз нөхөд нь өчигдөр тэдний дурсгалыг хүндэтгэн жагсаал зохион байгуулсан байна.

Энэхүү жагсаалыг Хүний эрхийг хамгаалагч төрийн бус байгууллагынхны зохион байгуулсан бөгөөд тэд улаан өнгөөр будсан, халаасанд нь улаан сарнай хийсэн цагдаагийн дүрэмт хувцаснуудыг эргийн дагууд өлгөцгөөсөн байна. Мөн 2017 онд ажил үүргээ гүйцэтгэж яваад амиа алдсан цагдаагийн албан хаагчдын нэрс бүхий самбарууд хадсан байлаа. Рио Де Жанейро нь Латин Америкийн энэ улсын хууль сахиулах байгууллагынханд хамгийн халтай хотын нэг юм.

1990 оноос хойш жил бүр энэ хотод амиа алдсан цагдаагийн ажилтнуудын тоо байнга 100 аас давах болсон банйа. Рио хотын ихэнх дүүргийг хар тамхины наймаа эрхлэгч бүлэглэлийнхэн, зохион байгуулалттай гэмт бүлэглэл хянадаг юм. Бразилд санхүүгийн хямрал нүүрлээд байгаа учир муж хотуудын төсвийг ч эрс багасгасан. Тиймээс цагдаагийн ажилтнуудын ажиллах нөхцөл муу байгаагаас ийнхүү олноороо амиа алдаж байна хэмээн ар гэрийнхэн нь үзэж байна.