Энэ сарын 15-наас нийтийн тээврийн маршрутыг богиносгоно

Нийслэлийн тээврийн газраас энэ сарын 15-наас эхлэн нийтийн тээврийн маршрутыг шинэчилж, богиносгохоор болжээ. Тодруулбал, иргэд нийтийн тээврээр заавал дамждаг болох юм. Ингэснээр нэг чиглэлд олон автобус явдаг, хоорондоо уралдаж, түгжрэл үүсгэдэг зэрэг асуудлууд шийдэгдэнэ гэж мэргэжилтнүүд үзэж байгаа аж.

Дашрамд өгүүлэхэд өнгөрсөн онд автобусны маршрутыг ингэж богиносгож 10 хоног туршилтаар явуулж байсан ч төдийлөн үр дүнгээ өгөөгүй билээ.