Энэ сарын 25-нд боомтын болон хот хоорондын хөдөлгөөнийг зогсооно

“Борхойн тал” авто тээвэрчдийн холбооноос тээврийн салбарт шударга өрсөлдөөнийг тогтоох, үндэсний эрх ашгийг дээдлэх зорилгоор энэ сарын 25-ны 08.00 цагаас боомтын болон хот хоорондын хөдөлгөөнийг зогсоохоор болжээ. Үүнтэй холбогдуулан тус холбооноос хэвлэлийн бага хурал зарласан бөгөөд хурал даваа гарагт МҮОНРТ-ийн Олон нийтийн мэдээллийн төвд болох юм.
Дашрамд дурдахад, тус холбооныхон Шадар сайд У.Хүрэлсүх, Зам тээврийн сайд Н.Төмөрхүү нарыг Замын-Үүд суманд хүрэлцэн ирэхийг урьжээ.