Энэ сарын 28, 29-нд дугаарын хязгаарлалт үйлчилнэ
Чингэлтэй, Баянзүрх, Сүхбаатар дүүргийн зарим автозамд хөдөлгөөний хязгаарлалт тогтоох, мөн тус өдөр 6 байршилд хичээлийн хэрэгслийн үзэсгэлэн худалдааг зохион байгуулахаар ажиллаж байна
Мэдээллийн алба
Нийслэл хотын авто замын түгжрэл саатлыг бууруулах, Хичээлийн шинэ жил эхлэхтэй холбогдуулан Нийслэлийн Засаг дарга бөгөөд Улаанбаатар хотын захирагч дараах хоёр төрлийн захирамж шийдвэр гаргасан.
Тодруулбал, Энэ сарын 19-ний өдрийн А/642 дугаартай захирамжийн дагуу энэ сарын 28, 29-нд тэгш сондгой буюу дугаарын хязгаарлалттай хөдөлгөөнд оролцуулна.
Мөн А/641 дугаартай захирамжаар Энхтайваны өргөн чөлөө буюу баруун дөрвөн замаас зүүн дөрвөн замын хооронд автомашингүй өдрийн хүрээнд Чингэлтэй, Баянзүрх, Сүхбаатар дүүргийн зарим автозамд хөдөлгөөний хязгаарлалт тогтоох, мөн тус өдөр 6 байршилд хичээлийн хэрэгслийн үзэсгэлэн худалдааг зохион байгуулахаар ажиллаж байна.
