Энэ сарын 31-нд Монгол, Хятадын авто замын хилийн боомтууд амарна

Гадаадын иргэн харьяатын газраас энэ сарын 31-ний өдөр Монгол, Хятадын авто замын хилийн боомтууд амрах болсныг албан ёсоор мэдэгдлээ. Монгол Улс болоод БНХАУ-ын хилийн боомт тэдгээрийн дэглэмийн тухай хэлэлцээрийн 4.3-т заасны дагуу Чингис хааны мэндэлсэн өдөр буюу “Монгол бахархалын өдөр”-өөр ийнхүү амрахаар болсон байна.

Харин орон нутгийн сонгуультай холбогдуулан ирэх лхагва гарагт буюу энэ сарын 19-ний өдөр хилийн боомтууд амрахгүй, цагийн хуваарийн дагуу ажиллах юм байна.