Энэ өдөр дэлхийн түүхэнд...
Уншигч та бүхэнд арванхоёрдугаар сарын 24-ний энэ өдөр дэлхийн түүхэнд болсон зарим сонирхолтой үйл явдлын хураангуйг хүргэж байна.
Мэдээллийн алба
Уншигч та бүхэнд арванхоёрдугаар сарын 24-ний энэ өдөр дэлхийн түүхэнд болсон зарим сонирхолтой үйл явдлын хураангуйг хүргэж байна.
1777 он: Ахмад Жеймс Кук “Resolution”, “Discovery” хөлөг онгоцтой Зул сарын арлыг нээж байж. Мөн өнөөдөр Зул сарын баярын битүүн.
1801 он: Английн механик, зохион бүтээгч Ричард Тревитик анхны уурын хөдөлгүүртэй автомашиныг танилцуулав.
1851 он: Вашингтон дахь Конгрессын номын санд гал гарчээ.
1871 он: Египетийн Каир хотноо Аида дуурь анх удаа тавигдаж байсан ажээ.
1968 он: АНУ-ын сансрын “Apollo 8” хөлөг хүн төрөлхтний түүхэнд анх удаа сарны тойрог замд оржээ.
1979 он: Франц “Ariane” пуужин тээвэрлэгчээ амжилттай хөөргөсөн байдаг.
1994 он: Алжирт “Air France” компанийн 232 зорчигчтой онгоцыг барьцаанд авчээ. Хоёр хоногийн дараа Францын Марсель хотод хүчнийхэн онгоц руу дайран орж, зорчигчдыг суллаж байв.
