Энэтхэгийн 365 иргэнийг Пакистаны шорон суллана

Энэ сарын 24-нд Пакистаны Дотоод хэргийн яам тус улсын шоронд хоригдож байгаа Энэтхэгийн 365 иргэнийг суллана гэдгээ албан ёсоор мэдэгджээ.

Энэтхэг Пакистан хоёр орны тэнгисийн хилийн шугам тодорхойгүй байгаа учраас загасчид маргаантай усан хилд хил давсан гэх асуудлаар баривчлагддаг байна. Хоёр орон тус асуудлаар олон удаа яриа хэлэлцээ хийсэн хэдий ч нийтлэг ойлголтод хүрч чадаагүй. Пакистаны Ерөнхий сайдын гадаад хэргийн зөвлөх Сартаж Азиз "Пакистан Энэтхэгийн 491 хүнийг хорьж байгаагийн 437 нь загасчин байна" гэжээ.